ICON-SIGURADO ANG PROGRESO!
#ICONICBAYANIHAN, UMARANGKADA SA PARADA

PARADA, SANTA MARIA, Bulacan - Kamakailan ngayong umaga ng ika-2 ng Agosto 2024, nakiisa at nakilahok ang Immaculate Conception Polytechnic Senior High School sa kamakailang "Brigada Eskwela 2024" na isinagawa ng Kagawaran ng Edukasyon at ng kawanihan ng Mataas na Paaralang Pambansa ng Parada sa bayan ng Santa Maria, Bulacan.

Ang delegasyon ng ating paaralan, sa pamumuno ng ating tagapamahala na si Prof. Mary Ann T. Marcelo, G. Joseph Santos, Prof. Ma. Priscilla U. Gutierrez, at G. Darwin Cisneros, ay bumisita sa pangunahing paaralan na ito ng Barangay Parada upang tumulong sa Brigada Eskwela sa taong pampaaralan 2024-2025 na may paksang : "Bayanihan Para Sa MATATAG Na Paaralan" ; ang paksang ito ay buhat sa kurikulong MATATAG na nakatakdang ipatupad ng kagawaran matapos nang pagpapasinaya ng mga paaralang pampubliko simula noong ika-29 ng Hulyo.

Hindi lamang pagdayo ang ipinunta ng ating mga kinatawan sa Parada dahil dala-dala rin nila ang mga gamit na buong-pusong ipinamahagi ng Immaculate Conception Polytechnic para sa ikabubuti ng kalidad ng karunungan sa paaralang nabanggit na lubos namang kinasiyahan ng mga namumuno nito.

#

Ulat ni Noel Benedict Marquez | ICInstitutions Online News